ABŞ-nin Kaliforniya ştatının Los-Anceles şəhərində əyləncə gecəsi zamanı atışma baş verib.
Manset.az xarici mediaya istinadən xəbər verir ki, atışma nəticəsində 2 nəfər ölüb, 6 nəfər yaralanıb.
Los Anceles Polis Departamentinin rəsmisi bildirib ki, yerli vaxtla gecə saat 1 radələrində şəhərdə bir partiyada atəş açılıb.
Hadisə nəticəsində Qreqori Derisso adlı kişi yerində ölüb, 52 yaşlı bir qadın isə xəstəxanaya aparılarkən dünyasını dəyişib.
Rəsmi məlumatda həmçinin 6 nəfərin yaralandığı, onlardan birinin vəziyyətinin ağır olduğu bildirilir.
Hücum edən şəxsin şəxsiyyəti hələlik müəyyən edilməyib.
Hadisə ilə bağlı araşdırmalar davam edir.
