ABŞ-nin Kaliforniya ştatında avqustun 1-də başlayan meşə yanğını indiyədək 72 min 460 hektar ərazini külə çevirib.
Manset.az xarici mediaya istinadən xəbər verir ki, Los Padres Milli Meşəsində baş verən Gifford yanğını hələ də tam söndürülməyib.
Kaliforniya Meşə Təsərrüfatı və Yanğından Mühafizə Departamentinin (CAL FIRE) məlumatına görə, alova qarşı 1000-dən çox yanğınsöndürən mübarizə aparır. Yanğın Santa Barbara və San Luis Obispo əyalətlərini əhatə edir. Bu ərazilərdə evakuasiya əmri və xəbərdarlıqları davam edir. Həmçinin, yolun hər iki tərəfində baş verən alovlar səbəbindən 166 saylı magistral yol bağlanıb.
