İndoneziyanın mərkəzi Sulavesi adasında bazar günü səhər saatlarında 6,0 bal gücündə zəlzələ baş verib.
Manset.az xəbər verir ki, bu barədə ölkənin Təbii Fəlakətlərin Nəticələrinin Azaldılması Agentliyi bildirib.
Zəlzələ nəticəsində onlarla insan xəsarət alıb.
Agentliyin açıqlamasında 29 nəfərin yaralandığı, ikisinin vəziyyətinin ağır olduğu bildirilib.
Qeyd edək ki, İndoneziya Yer qabığının müxtəlif təbəqələrinin bir-birinə toxunduğu və çoxlu sayda zəlzələlərə səbəb olduğu yüksək seysmik aktivlik zonası olan Sakit Okean Halqası adlanan ərazidə yerləşir.
