Elektron siqarət çəkənlərin NƏZƏRİNƏ - Ciddi təhlükə var 

Corciya Universitetinin yeni araşdırması elektron siqaretlərin gizli təhlükəsini üzə çıxarıb.


Manset.az xarici mətbuata istinadən xəbər verir ki, ABŞ -da Corciya Universiteti tərəfindən elektron siqaretlər üzərində aparılan yeni bir araşdırma, siqaret çəkənlərin çəkməyənlərə nisbətən şəkərli diabet diaqnozu qoyulma ehtimalının daha çox olduğunu ortaya qoydu.

Tədqiqatın aparıcı müəllifi və doktorant Sulakşan Neupane elektron siqaretlərin daha təhlükəsiz bir alternativ kimi satıldığını qeyd edərək, "Bu cihazlar gizli təhlükələr daşıyır və metabolik sağlamlığı poza və insulin müqavimətini artıra bilər" dedi.

1,2 milyon insanın məlumatlarının təhlil edildiyi araşdırmada, yalnız elektron siqaretdən istifadə edənlərdə prediyabet riskinin 7 faiz artdığı, həm siqaret, həm də elektron siqaretdən istifadə edənlərdə bu nisbətin 28 faizə yüksəldiyi müəyyən edilib. Ənənəvi siqaret çəkənlərdə riskin yüzdə 15 olduğu təyin olundu.