İzmirin Ödəmiş rayonunda həkim nəzarəti olmadan iki ay müddətində müntəzəm olaraq arıqlama kofesi içən Özge İkibaşın ürəyi dayanıb.
Manset.az Türkiyə mediasına istinadən xəbər verir ki, o, xəstəxanada 15 gün intübe olaraq, ümumilikdə 1,5 ay davam edən müalicə nəticəsində sağalıb. Özge İkibaş deyib: "Bir daha belə bir şey etməyəcəyimi düşünmürəm. Heç kim istifadə etməsin, çünki nəticəsi pis olur. Hətta ölümə səbəb ola bilərdi. Uşaqlarımı görməmək, həyata davam edə bilməmək ehtimalım vardı. Heç kəsə tövsiyə etmirəm."
Ödəmiş rayonunda yaşayan 32 yaşındakı 3 uşaq anası Özge İkibaş, iki ay əvvəl işlədiyi fabriki̇nə gedərkən qəflətən halı pisləşib. Onun ürəyinin dayanması üzərinə Ödəmiş Dövlət Xəstəxanasının təcili yardım xidmətinə aparılıb. Ardınca, Özge İkibaş, Dokuz Eylül Universiteti Tədqiqat və Tətbiq Xəstəxanasına, sonra isə Buca Seyfi Demirsoy Təhsil və Tədqiqat Xəstəxanasına göndərilib.
Həkimlər, gənc qadının ürəyinin dayanma səbəbini araşdırarkən, onun bir müddət internetdən aldığı arıqlama kofesini içdiyini öyrəniblər. Vücudunda yığılan toksik maddələrin atılması üçün müalicə başlanılıb. İkibaş, 15 gün müddətində intübe olunaraq, 1,5 aylıq müalicə nəticəsində sağalaraq xəstəxanadan evə buraxılıb.
