Türkiyədə məşhur müğənninin idarə etdiyi avtomobil restorana çırpılıb.
Manset.az xəbər verir ki, İstanbulun Esenyurt rayonunda "Moğollar" musiqi qrupunun qurucularından olan tanınmış musiqiçi Cahit Berkay qəza keçirib.
Məlumata görə, Berkayın idarə etdiyi avtomobil sükan idarəetməsindən çıxaraq yol kənarındakı restorana daxil olub. Avtomobil restoranın içinə girərək dayana bilib.
Qəza nəticəsində Cahit Berkay yüngül xəsarətlər alıb. Restoranda çalışan bir ofisiant da yaralanıb. Hadisə zamanı restorana maddi ziyan dəyib.
Sözügedən görüntüləri təqdim edirik:
