Məşhur türkiyəli sənətçi Yıldız Tilbe bu dəfə səhnədə yaratdığı ab-hava ilə gündəmə gəlib.
Manset.az Türkiyə mediasına istinadən xəbər verir ki, Kiprdə keçirilən konsert proqramında çıxış edən sənətçi illərdir formalaşmış səhnə obrazını bir kənara qoyaraq tamaşaçıların qarşısına tamamilə fərqli görünüşdə çıxıb. Onu bu vəziyyətdə görənlər heyrətlərini gizlədə bilməyiblər.
Qəzzada baş verən humanitar faciəyə biganə qalmayan və son dövrlərdə həyata keçirdiyi yardım təşəbbüsləri ilə ictimaiyyətin yüksək dəyərləndirməsini qazanan Yıldız Tilbe əvvəlki axşam Kiprdə pərəstişkarları ilə görüşüb. Təxminən 1500 nəfərin izlədiyi konsertdə böyük izdiham yaşanıb. Zalda yer tapmayan çoxsaylı tamaşaçı proqramı ayaqüstə izləmək məcburiyyətində qalıb.
