İranda İsrailin kəşfiyyat xidməti Mossad adından fəaliyyət göstərməkdə ittiham olunan Hamidrza Sabit İsmailpur haqqında verilən ölüm cəzası icra edilib.
Manset.az xarici mediaya istinadən xəbər verir ki, Məhkəmə Orqanları tərəfindən İsmailpurun ölüm cəzası ilə bağlı verilən yazılı açıqlamanı yayıb.
"Mossad ilə əlaqə quraraq gizli sənədləri qarşı tərəfə ötürmək, partlayıcı yüklü avtomobillərin şəhərlərarası daşınmasında rol almaq və sabotaj fəaliyyətlərinə logistika dəstəyi vermək" ittihamları ilə 29 aprel 2025-ci ildə saxlanılan İsmailpur, "düşmən kəşfiyyat xidməti üçün casusluq" etmək ittihamı ilə ölüm cəzasına məhkum edilmişdi. Cəza bu gün icra edilib.
