Fransanın “Brest” klubunun baş məşqçisi Erik Ruay 58 yaşında vəfat edib.
Manset.az xarici mediaya istinadən xəbər verir ki, Fransa Liqa 1 təmsilçisi olan “Brest”də çalışan Erik Ruay təxminən dörd il davam edən mədəaltı vəzi xərçəngi ilə mübarizədə məğlub olub.
Erik Ruay aşağı liqaya düşmək təhlükəsi ilə üzləşən komandanı qısa müddətdə UEFA Çempionlar Liqasına daşımağı bacarmış, hətta komandanın növbəti mərhələyə yüksəlməsinə nail olmuşdu.
Son üç ildə “Brest”ə rəhbərlik edən mütəxəssis daha əvvəl İngiltərənin “Uotford”, Fransanın isə “Nitsa” və “Lans” klublarında idman direktoru vəzifəsində çalışmışdı.
Qeyd edək ki, Erik Ruay uzun müddətdir mədəaltı vəzi xərçəngindən əziyyət çəkirdi. Onun vəfatı Fransa futbol ictimaiyyətində böyük üzüntü ilə qarşılanıb.
