ABŞ-nin Texas ştatında gecə saatlarında baş verən təyyarə qəzası bölgədə təşvişə səbəb olub.
Manset.az xarici mediaya istinadən xəbər verir ki, Laredo şəhərində kiçik təyyarənin magistral yola düşməsi nəticəsində 1 nəfər həyatını itirib. Təyyarədə ümumilikdə 6 nəfərin olduğu bildirilib.
Sosial şəbəkələrdə yayılan görüntülərdə təyyarənin yerə çırpıldıqdan sonra alovlandığı və qısa müddətdə yanğın baş verdiyi əks olunub.
Hadisədən sonra əraziyə təcili yardım, yanğınsöndürmə və hüquq-mühafizə orqanlarının əməkdaşları cəlb edilib. Qəzanın başvermə səbəblərinin müəyyənləşdirilməsi məqsədilə genişmiqyaslı araşdırmalara başlanılıb.
