Moskvada yerləşən neft emalı zavodunun pilotsuz uçuş aparatları ilə yenidən hədəf alındığı bildirilib.
Manset.az-ın xarici mediaya istinadən məlumatına görə, şəhərə yönələn təxminən 180 dron hava hücumundan müdafiə sistemləri tərəfindən zərərsizləşdirilib.
Sergey Sobyanin sosial şəbəkə vasitəsilə etdiyi açıqlamada intensiv hücumun dəf edildiyini bildirib və bəzi dronların neft emalı zavodunun ərazisinə düşdüyünü qeyd edib.
Hadisə nəticəsində zavod ətrafında genişmiqyaslı yanğın baş verdiyi, zərərin aradan qaldırılması üçün tədbirlərin görüldüyü vurğulanıb.
