Gecə saatlarında Rusiyanın Ukraynanın paytaxtı Kiyevə və ətraf bölgələrə endirdiyi raket və dron zərbələri nəticəsində azı 12 nəfər həlak olub, 20 nəfər (ikisi uşaq olmaqla) isə xəsarət alıb.
Manset.az xarici mediaya istinadən xəbər verir ki, zərərçəkənlərdən altısı Kiyevdəki bir depoya endirilən zərbə nəticəsində həlak olan dövlət şirkəti "Ukrzaliznytsia"nın dəmir yolu işçiləri idi.
Rusiya "yüksək dəqiqlikli silahlardan istifadə etməklə həyata keçirilən kütləvi zərbə"nin Ukraynanın hərbi və enerji obyektlərini hədəf aldığını bildirdi və əlavə etdi ki, Ukraynanın Rusiyanın qərbindəki Belqorod vilayətinə endirdiyi zərbələr nəticəsində də bir nəfər həlak olub.
Bu hadisə, Rusiyanın yaxın müttəfiqi olan Hindistanın Baş naziri Narendra Modinin Rusiya Prezidenti Vladimir Putini müharibəyə son qoymağa çağırmasından bir gün sonraya təsadüf edir.
