ABŞ Ali Məhkəməsi Prezident Donald Trampın seçki sistemində dəyişiklik etmək planına icazə verməyib.
Manset.az xarici mediaya istinadən xəbər verir ki, məhkəmə Vaşinqton administrasiyasının federal seçkilərdə poçt vasitəsilə səsverməyə məhdudiyyət qoymaq cəhdinin qarşısını alıb. Yeni qaydaların noyabrda keçiriləcək aralıq seçkilərində tətbiq olunması qəbul edilməyib.
Ali Məhkəmə ABŞ Poçt Xidmətinin (USPS) poçt vasitəsilə səsverməyə tətbiq etdiyi yeni qaydalarla bağlı qərarını açıqlayıb. Qərarda hökumətin yeni qaydaların icrasını dayandıran aşağı məhkəmə qərarının ləğv olunması ilə bağlı müraciətinin rədd edildiyi bildirilib.
Hakim Brett Kavano Ali Məhkəmənin qərarını müdafiə edərək ştat və yerli seçki rəsmilərinin yeni tələbləri 3 noyabrda keçiriləcək aralıq seçkilərindən əvvəl tətbiq etmək üçün kifayət qədər vaxta malik olmadıqlarını qeyd edib. Kavano sözügedən qaydaların yaxınlaşan seçkidə tətbiqini "özbaşına və əsassız" kimi qiymətləndirib.
Ali Məhkəmənin qərarı ilə məsələ üzrə hüquqi proses davam etdiyi müddətdə poçt vasitəsilə səsverməyə dair yeni tələblərin tətbiqi məhdudlaşdırılıb.
