Rusiya prezidenti Vladimir Putinin dostu, onun siyasətini dəstəkləyən məşhur dirijor Valeriy Qerqiyev uzun illərdir çalışdığı Almaniyanın Münhen Filarmoniyasındakı işindən uzaqlaşdırıla bilər.
Manset.az xəbər verir ki, V.Qerqiyev Putinin Ukraynaya hücumunu qınamazsa, işindən qovulacaq. Buna görə məşhur dirijora 24 saat vaxt verilib.
Qeyd edək ki, Ukrayna-Rusiya müharibəsi başlayandan sonra onun bir neçə konserti təxirə salınıb. Növbəti sutka ərzində isə Putinin Ukraynaya qarşı işğalçı siyasətini pisləməsə, onun üçün hər şeyin daha ağır olacağı bildirilib.
