ABŞ-nin Nyu-York ştatında yerləşən Boonville qəsəbəsində kilsədə partlayış baş verib.
Manset.az xarici mediaya istinadən xəbər verir ki, partlayış nəticəsində 5 nəfər ağır xəsarət alıb.
Məlumata görə, hadisə qaz sızması səbəbindən baş verib. Nyu-York polisi ilkin araşdırmanın nəticələrinə əsasən bildirib ki, partlayış zamanı kilsənin zirzəmi mərtəbəsində 4 nəfər olub. İsitmə sisteminin işə düşməsi ilə güclü partlayış qeydə alınıb.
Yaralanan şəxslər xəstəxanaya yerləşdirilib. Faktla bağlı araşdırma aparılır.
