Türkiyədə terrorla mübarizə istiqamətində aparılan proses çərçivəsində tarixi gün yaşanır. Komissiya tərəfindən hazırlanmış 7 bölmədən ibarət hesabat yekunlaşdırılıb. Proseslə bağlı ilk açıqlama isə Prezident Rəcəb Tayyib Ərdoğandan gəlib.
Manset.az Türkiyə mediasına istinadən xəbər verir ki, Ərdoğan Efiopiyaya səfərdən qayıdarkən təyyarədə jurnalistlərə açıqlamasında bildirib: “Biz buna nail olacağıq, məqsədimizə çatacağıq”.
Qeyd edək ki, sözügedən hesabat ölkədə terror təhlükəsinin aradan qaldırılması və təhlükəsizlik strategiyasının gücləndirilməsi istiqamətində görüləcək tədbirləri əhatə edir. Sənədlə bağlı yaxın günlərdə geniş müzakirələrin aparılması gözlənilir.
