İnternet şəbəkəsində Aleksandr Lukaşenkonun Belarus ərazisindən Kiyevə heç bir qoşunun hücum etməyəcəyinə dair vədlər verdiyi video yayılıb.
Manşet.az xəbər verir ki, o bu barədə ukraynalı jurnalist Dmitri Qordona müsahibə verərkən fikirlər səsləndirib.
"Heç vaxt elə bir şey olmayacaq ki, hər hansı qoşun Belarus ərazisindən Kiyevə hücum etsin", - o, müsahibəsində bəyan edib.
Daha əvvəl Müdafiə Strategiyaları Mərkəzi məlumat vermişdi ki, özünü elan etmiş Belarusiya hökumətinin yaxın bir neçə saat ərzində Təhlükəsizlik Şurasının Silahlı Qüvvələrinin Rusiya Federasiyası tərəfindən Ukraynaya qarşı həyata keçirilən müharibədə iştirakı ilə bağlı qərar qəbul edəcəyi ehtimalı çox yüksəkdir. Bu, Belarus Silahlı Qüvvələrinin bütün qüvvə və vasitələrinin müdafiə qüvvələrimizə qarşı istifadə edilməsi deməkdir, Unian yazır.
Xatırladaq ki, fevralın 24-də Rusiya Federasiyası müstəqil Ukraynaya soxularaq ölkədə cəhənnəm vəziyyəti yaranmasına səbəb olub. İşğalçılar təkcə hərbi hissələri, hava limanlarını deyil, həm də şəhərin mülki əhalisini və hündürmərtəbəli binalarını atəşə tuturlar. Rusiya qoşunları Belarus ərazisindən Ukraynaya daxil olur. (Qaynarinfo)
