Avropa Dərman Agentliyi (EMA) böyükləri meymunçiçəyindən qorumaq üçün “Imvanex” peyvəndinin istifadəsini genişləndirməyi tövsiyə edib.
Manset.az xəbər verir ki, bu barədə Avropa İttifaqı (Aİ) tənzimləyicisinin cümə günü yaydığı press-relizdə deyilir.
Dərman hələ 2013-cü ildə Aİ-də çiçək xəstəliyinin qarşısının alınması üçün tətbiq olunub. Onun tərkibində inəkçiçəyinin zəifləmiş forması var.
Bildirilir ki, yeni tövsiyələr əsasında yaxın vaxtlarda preparatın istifadəsinə dair təlimatlara zəruri dəyişikliklər ediləcək.
