Cənubi Amerika ölkəsi Ekvadorda həbsxanada baş verən iğtişaşlar və qarşıdurmalarda 9 məhbusun öldüyü bildirilib.
Manset.az xarici mediaya istinadən xəbər verir ki, dəstə üzvlərinin polisin qarşısını almaq istəməsindən sonra çıxan qarşıdurma və iğtişaşda 9 nəfər ölüb.
“Los Lobos” bandası polislə məhbuslar arasında yaranıb, qrup rəhbərini Quayas əyalətinin paytaxtı Quayaquildəki yüksək təhlükəsizlikli La Roka həbsxanasına köçürmək istəyir.
Milli Həbsxanalar Agentliyi (SNAI) əlavə təhlükəsizlik qüvvələrinin həbsxanadakı hadisələrə nəzarət etmək üçün əməliyyata başladığını bildirib.
SNAI bildirir ki, Los Lobos dəstəsinin lideri Bermudezin başqa həbsxanaya köçürülməsi zamanı məhbuslar şiddətli müqavimət göstəriblər.
Digər tərəfdən hadisələrə baxmayaraq Bermudez və R7 bandasının lideri kimi tanınan Freddy Anchundia-nın başqa həbsxanaya aparıldığı paylaşılıb.
Ekvador prezidenti Gilermo Lasso noyabrın 7-də eyni həbsxanada baş verən iğtişaşda 5 nəfərin ölümündə günahkar bildiyi "Bermudez" adlı dəstə başçısının başqa həbsxanaya göndəriləcəyini bildirib.
Ekvadorda 30 000 tutumlu 65 həbsxanada təxminən 39 000 məhbus və məhkum var. Dəstələr arasında baş verən hadisələr bəzən ölümcül üsyanla nəticələnir.
Ötən ildən bəri ölkədə rəqib dəstələr arasında baş verən zorakılıqlarda 450-dən çox məhbus həyatını itirib.
