Rusiya Xarici İşlər Nazirliyi Polşanın Rusiyanın xarici işlər naziri Sergey Lavrovun Avropada Təhlükəsizlik və Əməkdaşlıq Təşkilatının (ATƏT) Xarici İşlər Nazirləri Şurasının iclasında iştirakına mane olmasını “təxribat” kimi qiymətləndirib.
Manset.az xarici mediaya istinadən xəbər verir ki, Polşanın ATƏT-ə sədrlik etdiyini xatırladan nazirlikdən verilən açıqlamada Lavrovun dekabrın 1-2-də Lodzda keçiriləcək iclasa qatılmaqdan imtina edildiyi bildirilib.
Bəyanatda sözügedən qərarın 57 ölkənin suveren və müstəqil dövlətlər kimi tam bərabərliklə iştirak etdiyi bir təşkilatın sədrliyi statusuna uyğun gəlməyəcəyi bildirilib və Lavrova qarşı qərarın “ təxribatçı" və "görünməmiş" adlandırıb.
“ATƏT-in prosedur qaydaları, qanunvericilik orqanlarının qaydaları və xüsusən də, 2002-ci ildə Portoda keçirilən ATƏT Xarici İşlər Nazirləri Şurasının rotasiya üzrə sədrliyinin iş prinsipləri ilə bağlı qərarı pozulub” deyə bəyanatda deyilib.
Polşa hakimiyyətinin qurumun öz funksiyalarını tam şəkildə yerinə yetirməsinə imkan vermədiyi vurğulanan bəyanatda qeyd olunur ki, ilk növbədə rusiyalı deputatlar ATƏT Parlament Assambleyasının noyabrın 24-26-da Varşavada keçirilən payız sessiyasında iştirakına mane olub, indi isə kobud şəkildə pozublar.
“Polşalılar bu cür sarsıdıcı qərarlarla Qərb düşərgəsindəki həmfikirlərinin dəstəyi ilə ATƏT-i uçuruma itələyirlər”, - nazirliyin bəyanatında deyilib.
Bildirilib ki, ATƏT Xarici İşlər Nazirləri Şurasındakı Rusiya nümayəndə heyətinə bu ölkənin ATƏT-dəki daimi nümayəndəsi Aleksandr Lukaşeviç başçılıq edəcək.
