İlon Maskın sosial media qrupunun yenidən qurulması yalnız ABŞ və Afrika ilə məhdudlaşmayıb. İki həftə əvvəl Brüsseldəki bütün Twitter ofisi bağlandıqdan sonra Almaniya mətbuat departamentinin bütün əməkdaşları da işlərini itiriblər.
Manset.az-ın xarici mediaya istinadən məlumatına görə, İlon Mask sosial media qrupunu ələ keçirdikdən sonra Twitter Inc-in Almaniyadakı kommunikasiya departamenti bağlanıb.
Mətbuat ofisinin departament rəhbəri ixtisarlarla bağlı Hamburq əmək məhkəməsinə şikayət edərək, komandanın ləğvinin Twitter-in Almaniyadakı fəaliyyətinə təsir edəcəyini bildirib.
Avropalı rəsmilər, xüsusilə Mask rəhbərliyə gəldikdən sonra hüquqi standartlarla bağlı Twitter-i çox diqqətlə izləyirlər.
Razılaşmanın bağlanmasından bir neçə saat sonra Aİ komissarı Thierry Breton Avropa İttifaqının qaydalarına əməl etməsi ilə bağlı İlon Maska xəbərdarlıq edib.
