İsrailin müdafiə naziri Benni Qantz beynəlxalq ictimaiyyətdəki tərəfdaşlarını İranla bağlı koordinasiyalı şəkildə hərəkət etməyə çağırıb.
Manset.az-ın xarici mediaya istinadən məlumatına görə, Qantz İranla bağlı açıqlamasında bunları deyib:
"İran hazırda Ukraynaya hücumlarda Rusiyaya silah tədarük etdiyi iddiasına görə daxili sosial-iqtisadi çətinliklər və xarici təzyiqlərlə üzləşir. Biz tərəfdaşlarımızla hərbi, kəşfiyyat və diplomatik əməkdaşlığı gücləndirməliyik. Biz yəhudi təşkilatları ilə əlaqə qurmağın yollarını tapmalı və bu məsələdə dialoqu inkişaf etdirməliyik. Gücü istifadə etmək və gücün nə edə biləcəyini göstərmək vaxtıdır. Təkmilləşdirilmiş nüvə sazişi üçün İrana təzyiq etmək vaxtıdır”.
