Avstraliyada Apple işçiləri Milad tətili keçirirlər.
Manset.az-ın xarici mediaya istinadən məlumatına görə, ABŞ-ın texnologiya nəhəngi Apple şirkətinin Avstraliyadakı AAPL.O əməkdaşları iş şəraitinin yaxşılaşdırılması və maaşların artırılması tələbi ilə bu gün tətilə çıxıblar. Bu, Apple-ın Milad və Yeni il satışlarını azalda bilər.
Avstraliyanın Pərakəndə və Fast Food İşçiləri Həmkarlar İttifaqı (RAFFWU) bu ay dekabrın 23-də ölkədəki bütün Apple mağazalarında yerli vaxtla saat 15:00-da tətilə başlayacağını və tətili Milad ərəfəsinə qədər davam etdirəcəyini açıqlayıb.
Tətilə rəhbərlik edən RAFFWU, şirkətin səkkiz il əvvəl imzalanmış müqaviləyə görə işçilərə "həftə sonu məzuniyyəti, ardıcıl istirahət günləri, sabit növbə siyahısı, sabit iş günləri, növbələr arasında 12 saatlıq fasilələr və əlavə iş haqqı" vermədiyini iddia edir.
