Böyük Britaniya şahzadəsi Harri Əfqanıstanda hərbi xidmətdə olarkən “Taliban” terror qruplaşmasının 25 iştirakçısını zərərsizləşdirdiyini etiraf edib.
Manset.az “Qafqazinfo”ya istinadən xəbər verir ki, bu barədə şahzadənin yanvarın 10-u işıq üzü görəcək “Spare” adlı memuarlarında qeyd olunub.
Harrinin sözlərinə görə, o, bundan məmnun olmasa da, utanc hissi də keçirməyib.
Qeyd edək ki, şahzadə Harri 2005-ci ildən 2015-ci ilə qədər orduda xidmət edib və mayor rütbəsi ilə ehtiyata çıxıb. Harri 2008 və 2012-ci ildə Əfqanıstan ərazisində döyüş əməliyyatlarında iştirak edib.
