Rusiya baş nazirinin müavini Aleksandr Novak Rusiya Energetika Nazirliyinin nəşr etdiyi “Enerji Siyasəti” jurnalı üçün yazdığı məqalədə enerji bazarlarında baş verən son hadisələri dəyərləndirib.
Manset.az-ın xarici mediaya istinadən məlumatına görə, Novak 2022-ci ildə təbii qaz ixracatını azaltdıqlarını və neft ixracatını artırdıqlarını ifadə edərək, "Bu il neftimizin yüzdə 80-dən çoxunu və neft məhsullarımızın 75 faizini dost ölkələrə ixrac etməyi planlaşdırırıq" – deyib.
Rusiyanın 2022-ci ildə təbii qaz ixracatını azaltdığını qeyd edən Novak, "2022-ci ildə təbii qaz hasilatı 673,8 milyard kubmetr oldu. İxrac 25,1% azalaraq 184,4 milyard kubmetr oldu" - əlavə edib.
O, təbii qaz ixracının azalmasının əsas səbəbləri kimi Avropa ölkələrinin Rusiya qazı alışının azalması və Şimal axını 1 və 2 boru kəmərlərindəki partlayışları göstərib.
Manşet.az
