"Şər yolunu seçən hər kəs özünü məhv edir. İnsanları alçaldır və yüz minlərlə insanı müharibəyə atır, sonra da Moskva vilayətində özünün silahlandırdığı şəxslərdən qorunmaq üçün barrikada qurur".
Manset.az Bakupost.az-a istinadən xəbər verir ki, bunu Ukrayna Prezidenti Vladimir Zelenski Rusiyadakı hərbi qiyam haqda danışarkən deyib.
"Rusiya öz zəifliyi və hakimiyyətinin axmaqlığını uzun müddət təbliğatla ört-basdır etdi. İndi isə artıq o qədər xaos var ki, heç bir yalanla bunu gizlədə bilməz. Rusiyanın zəifliyi göz qabağındadır. Geniş miqyaslı zəiflik. Rusiya öz qoşunlarını və muzdlularını torpaqlarımızda nə qədər uzun müddət saxlasa, bir o qədər xaosla, ağrı və problemlərlə üzləşəcək”, - Zelenski vurğulayıb.
