Rusiya Ukraynanın Zaporojya şəhərinin cənubunda yerləşən Orixiv şəhərində, humanitar yardımların saxlandığı məktəbə hücum edib.
Manset.az xarici KİV-ə istinadla bildirir ki, Rusiya Ukraynanın Zaporojya şəhərinin cənubunda yerləşən Orixiv şəhərində yardım ləvazimatlarının saxlanıldığı məktəbə zərbələr endirib. Ukraynanın Fövqəladə Hallar Xidməti hücumda 4 nəfərin öldüyünü, 11 nəfərin yaralandığını 10-dan çox adamın dağıntılar altında qaldığı, axtarış-xilasetmə işlərinin davam etdiyini bildirib. Həyatını itirənlərdən üçünün qadın olduğu açıqlanıb.
Yerli polisdən verilən açıqlamada isə bölgədə işlərin davam etdiyi qeyd edilərək "Mülki əhaliyə qarşı istifadə edilən sursatın növünü mühəndislər müəyyən edir. Polis əməkdaşları hərbi cinayətə dair sübutlar toplamağa davam edir"- bildirilib.
Manşet.az
