Sudanın paytaxtı Xartumun müxtəlif bölgələrində ordu ilə Çevik Dəstək Qüvvələri (HDK) arasında ağır silahlarla qarşıdurma baş verib.
Manset.az "trthber"-ə istinadla bildirir ki, Xartumun Umdurman bölgəsində ordunun döyüş təyyarələri HDK-nın şəhərdəki mövqelərini bombalayıb. Ordu Xüsusi təyinatlıların Umdurmanda axtarış işləri apardığını açıqlayıb. HDK üzvlərinin kütləvi şəkildə ərazidən qaçdığını iddia edib.
Bundan başqa, Bəhri şəhərində də gərgin qarşıdurmalar baş verib. Şəmbat və Halfayə körpüləri ətrafında toqquşmaların olduğu bildirilib. Şahidlərin bildirdiyinə görə, ordu HDK üzvlərini vətəndaşların evlərindən qovmaq və onları zərərsizləşdirmək üçün Bəhrinin müxtəlif rayonlarına yerləşdirilib.
Digər tərəfdən, Sudan Mülki Aviasiya İdarəsi, humanitar yardım və təxliyə uçuşları istisna olmaqla, hava məkanının bağlanması qərarının 31 iyula qədər uzadıldığını açıqlayıb. Xatırladaq ki, aprelin ortalarında ordu ilə HDK arasında baş verən vətəndaş müharibəsindən sonra Sudan hava məkanı müntəzəm hava nəqliyyatı üçün bağlanıb.
