Misirdə yaşayış binası çökdü - Ölənlər və yaralananlar var

Misirin paytaxtı Qahirə şəhərində yaşayış binası çöküb.

 

Manset.az-ın xarici mediaya istinadən məlumatına görə, hadisə nəticəsində 9 nəfər ölüb, 4 nəfər xəsarət alıb.

Əraziyə mülki müdafiə və xilasetmə qrupları cəlb olunub,  nəqliyyatın hərəkəti dayandırılıb.

Dağıntılar altından çıxarılanlar təcili tibbi yardım maşınları ilə xəstəxanaya aparılıb.

Hazırda axtarış-xilasetmə işləri davam etdirilir.