Almaniyanın Köln şəhərində İkinci Dünya Müharibəsindən qalma partlamamış bomba tapılıb.
Manset.az xarici mediaya istinadən xəbər verir ki, bomba qruplar tərəfindən zərərsizləşdirilərkən vətəndaşlar Türk İslam Diyanət İşləri Birliyinə bağlı Mərkəz Məscidinə sığınıb.
Bombanın zərərsizləşdirilməsi üçün genişmiqyaslı təxliyəyə başlanılıb. Bələdiyyə orqanlarından verilən açıqlamaya görə 5 min 400 adam təxliyə edilib.
Məsələ ilə bağlı DİTİB sədri Məhərrəm Kuzey açıqlama verib:
"Qonşularımızın üzünə qapımız hər zaman açıqdır. Onları öz evlərindəymiş kimi qonaq edib ehtiyaclarını qarşılamağa çalışacağıq. İnşallah mümkün qədər tez zərərsiz bir şəkildə təhlükəsizlik prosesi tamamlanar."
Proses zamanı bölgədən keçən bəzi yollar bağlanıb. Bombanın qruplar tərəfindən zərərsizləşdirildiyi açıqlanıb.
Aygün
Manşet.az
