"Real Madrid"in futbolçusu çərşənbə axşamı Sevilyada keçirilən İspaniya–Türkiyə matçına ehtiyat oyunçular skamyasından başlayıb.
Manset.az Türkiyə mediasına istinadən xəbər verir ki, Türkiyənin qrupda lider ola bilməsi üçün səfərdə İspaniyanı 7 top fərqi ilə məğlub etməsi tələb olunurdu. Bu, demək olar ki, mümkünsüz görünürdü və görüş 2:2 hesabı ilə başa çatdı.
Türkiyə millisinin baş məşqçisi Vinçenso Montella irəliyə baxmağı üstün tutaraq diqqətini mart ayında keçiriləcək pley-off oyunlarına yönəldib. ABŞ, Meksika və Kanadada təşkil olunacaq Dünya Çempionatına vəsiqə qazanmaq üçün Türkiyə pley-off mərhələsində mübarizə aparacağından, Montella İspaniya görüşünə də daha real yanaşdığını bildirib.
