Azərbaycan çempionu "Qarabağ"ın UEFA Çempionlar Liqasındakı növbəti potensial rəqibləri müəyyənləşib.
Manset.az xəbər verir ki, Ağdam təmsilçisi II təsnifat mərhələsində İsveçrə "Sürix"ini üstələyəcəyi təqdirdə, "Ferentsvaroş" (Macarıstan) / "Slovan" (Bratislava, Slovakiya) cütünün qalibi ilə üz-üzə gələcək.
Qeyd edək ki, "Qarabağ" / "Sürix" duelinin qalibi ilk görüşünü 2-3 avqustda öz meydanında, cavab qarşılaşmasını isə avqustun 9-da səfərdə keçirəcək.
Əlavə edək ki, komandamız İsveçrə təmsiçisi ilə sabah Bakıda qarşılaşacaq.
