"Qarabağ" və "Sürix" oyununda ardıcıl qol vurulub.
Manşet.az xəbər verir ki, oyunun 65-ci dəqiqəsində "Sürix"in oyunçusu Landrit Kamberi hesab arasında fərqi azaltsa da "köhlən atlar" rəqibin qol sevincini gözündə qoyub. Belə ki, cəmi 20 saniyə ərzində İbrahima Vadji hesab arasında fərqi yenidən artırıb.
***
"Qarabağ" və "Sürix" oyununda daha bir qol vurulub.
Manşet.az xəbər verir ki, 36-cı dəqiqədə "köhlən atlar"ın oyunçusu İbrahima Vadji hesab arasında fərqi artırıb.
***
"Qarabağ" və "Sürix" oyununda hesab açılıb.
Manşet.az xəbər verir ki, qarşılaşmada hesabı 17-ci dəqiqədə "köhlən atlar"ın oyunçusu Kadi Borges açıb.
***
Bakıda UEFA Çempionlar Liqasının II təsnifat mərhələsinin ilk oyununa start verilib.
Manşet.az xəbər verir ki, "Qarabağ" və "Sürix" komandası arasında Tofiq Bəhramov adına Respublika stadionunda keçirilən qarşılaşma saat 20:00-da başlayıb.
Görüşü Irfan Peltonun başçılıq etdiyi Bosniya və Herseqovinadan olan hakimlər briqadası idarə edir.
