Bu gün Mahir Emrelinin çıxış etdiyi Xorvatiyanın “Dinamo” (Zaqreb) klubu ilə Yunanıstanın “AEK” komandası qarşılaşacaq.
Manset.az xəbər verir ki, Çempionlar Liqasının 3-cü təsnifat mərhələsinin ilk oyunu Bakı vaxı ilə saat 22:00 başlayacaq.
Bu oyuna, həmçinin avqustun 19-u Yunanıstanda keçiriləcək cavab oyununa azarkeşlər buraxılmayacaq.
Qeyd edək ki, ilk görüş avqustun 8-i Yunanıstanda olmalı idi. Lakin futbol klublarının fanatları arasında kütləvi dava baş verdiyinə görə oyun təxirə salınıb. Davada 29 yaşlı gənc öldürülüb, 105 nəfər həbs olunub.
