"Qarabağ" UEFA Avropa Liqasının III təsnifat mərhələsində cavab oyununu keçirib.
Manset.az-ın məlumatına görə, Qurban Qurbanovun baş məşqçisi olduğu komanda Finlandiyada HİK-in qonağı olub.
"Bolt Arena"dakı qarşılaşma "köhlən atlar"ın 2:1 hesablı qələbəsi ilə yekunlaşıb.
Komandanın qollarını 45+3-cü dəqiqədə penaltidən Toral Bayramov, 56-cı dəqiqədə Yassin Benzia vurub. Meydan sahiblərində Santeri Hostikka 11-ci dəqiqədə fərqlənib. Kevin Kuassivi-Benissan isə 17-ci dəqiqədə ikinci sarı vərəqəni alaraq Helsinki klubunu azlıqda qoyub.
İlk matçda da rəqibini eyni hesabla üstələyən "Qarabağ" UEFA Avropa Liqasının pley-offuna yüksəlib. Ağdamlılar bu raundda Sloveniya çempionu "Olimpiya" ilə üz-üzə gələcək.
***21:45
Finlandiyada HİK və "Qarabağ" komandaları arasında keçirilən UEFA Avropa Liqasının III təsnifat mərhələsinin cavab oyununda növbəti qol vurulub.
Manset.az-ın məlumatına görə, Azərbaycan təmsilçisi hesabda önə keçib - 2:1.
55-ci dəqiqədə Yassin Benzia fərqlənib.
***21:10
Finlandiyada HİK və "Qarabağ" komandaları arasında keçirilən UEFA Avropa Liqasının III təsnifat mərhələsinin cavab oyununda ikinci hissə başlayıb.
Manset.az-ın məlumatına görə, hazırda hesab bərabərdir - 1:1.
11-ci dəqiqədə meydan sahiblərinin üzvü Santeri Hostikka fərqlənib, 45+4-cü dəqiqədə isə Toral Bayramov penaltidən tarazlığı bərpa edib.
***20:49
"Qarabağ" Finlandiyada HİK-ə qarşı keçirdiyi UEFA Avropa Liqasının III təsnifat mərhələsinin cavab oyununda hesabı bərabərləşdirib.
Manset.az-ın məlumatına görə, Toral Bayramov 45+4-cü dəqiqədə tarazlığı bərpa edib.
Cinah oyunçusu penaltini dəqiq yerinə yetirib.
***20:21
HİK komandası Finlandiyada "Qarabağ"a qarşı keçirdiyi UEFA Avropa Liqasının III təsnifat mərhələsinin cavab oyununda azlıqda qalıb.
Manset.az-ın məlumatına görə, rəqibin heyətində Kevin Kuassivi-Benissan ikinci sarı vərəqəni alaraq meydandan qovulub.
Meydan sahibləri hazırda 1:0 hesabı ilə öndədir.
***20:11
Finlandiyada HİK və "Qarabağ" komandaları arasında UEFA Avropa Liqasının III təsnifat mərhələsinin cavab oyununda hesab açılıb.
Manset.az-ın məlumatına görə, meydan sahiblərinin heyətində Santeri Hostikka Santeri Hostikka 11-ci dəqiqədə fərqlənib.
***20:00
Finlandiyada HİK və "Qarabağ" komandaları arasında UEFA Avropa Liqasının III təsnifat mərhələsinin cavab oyunu başlayıb.
Manset.az-ın məlumatına görə, qarşılaşma Bakı vaxtı ilə saat 20:00-da start götürüb.
Görüşü Fransadan olan FİFA referisi Villi Delajod idarə edir. İlk oyunda Azərbaycan təmsilçisi 2:1 hesabı ilə qalib gəlib. Cütün qalibi növbəti raundda Sloveniya çempionu "Olimpiya" ilə üz-üzə gələcək.
***19:12
“Qarabağ” bu gün UEFA Avropa Liqasının 3-cü təsnifat mərhələsində cavab oyununa çıxacaq.
Manset.az xəbər verir ki, Ağdam təmsilçisi Finlandiyada HJK-nin qonağı olacaq.
“Bolt Arena”da baş tutacaq qarşılaşma saat 20:00-da start götürəcək. İlk oyunda Ağdam təmsilçisi 2:1 hesabı ilə qalib gəlib.
Cütün qalibi növbəti mərhələdə Sloveniya çempionu “Olimpiya” ilə üz-üzə gələcək. Məğlub komandanı isə Konfrans Liqasının pley-offunda Rumıniya “Farul”u ilə mübarizə gözləyir.
Avropa Liqası
3-cü təsnifat mərhələsinin cavab oyunu
17 avqust
20:00. HJK – Qarabağ
Baş hakim. Villi Delajod (Fransa).
Helsinki. “Bolt Arena”.
İlk oyun – 1:2.
Qarabağ: 1. Şahruddin Məhəmmədəliyev, 13. Bəhlul Mustafazadə, 81. Kevin Medina, 44. Elvin Cəfərquliyev, 27. Toral Bayramov, 6. Julio Romao, 8. Marko Yankoviç, 7. Yassin Benzya, 15. Leandro Andrade, 10. Abdullah Zubir, 19. Redon Cica.
Ehtiyat oyunçular: 23. Luka Quqeşaşvili, 89. Amin Ramazanov, 4. Rahil Məmmədov, 5. Maksim Medvedev, 11. Adama Diakabi, 17. Hamidu Keyta, 18. Junino, 20. Riçard Almeyda, 55. Bədavi Hüseynov, 66. Patrik Andrade, 83. Nihad Quliyev, 90. Nəriman Axundzadə.
Baş məşqçi: Qurban Qurbanov.
HJK: 85. Niki Myanpa, 2. Tuomas Ollila, 4. Yoona Toyvio, 9. Boyan Raduloviç, 10. Lukas Linqman, 15. Miro Tenho, 18. Topi Keskinen, 22. Yukka Raytala, 24. Georgios Kanellopulos, 27. Kevin Kuassivi-Benissan, 7. Santeri Hostikka.
Ehtiyat oyunçular: 1. Yesse Öst, 78. Aleks Ramula, 3. Nikolas Hyömyölöynen, 5. Kristofer Da Qrasa, 6. Aapo Halme, 8. Filip Rogiç, 11. Roope Riski, 14. Matti Peltola, 17. Hassane Bande 29. Entoni Olusanya, 56. Perparim Hetemay, 37. Atomu Tanaka.
Baş məşqçi: Toni Korkeakunnas.
