Ötən gün vəzifəsindən azad edilən Lənkəran icra hakimiyyətinin başçısının müavini, ictimai-siyasi və humanitar məsələlər şöbəsinin müdiri Rasilə Əliyevanın adı qurumun saytından çıxarılmayıb.
İcra başçısının köməkçisi Elnur Hüseynov Manset.az-a bildirib ki, bu, texniki səhvdir və qısa müddət ərzində aradan qaldırılacaq.
Xatırladaq ki, R.Əliyeva və 4 saylı orta məktəbin direktoru Yeganə Əsgərova tərəfindən 9-cu sinif şagirdi Camalova Aliyə Samir qızının döyülməsi barədə məlumat yayılıb. Baş Prokurorluqda bununla bağlı cinayət işi başladılıb.
