Türkiyənin Tunceli bölgəsində terrorçularla atışma baş verib.
“Eren Kış-6” əməliyyatı zamanı yaşanan atışmada bir jandarm əməkdaşı həlak olub.
Manşet.az xəbər verir ki, bu barədə Türkiyənin daxili işlər naziri Süleyman Soylu özünün “Twitter” səhifəsində məlumat verib.
Məlumata görə, Ovacıq çölündə mağarada keçirilən əməliyyat zamanı ağır yaralanan əməkdaşa lazımi tibbi yardım göstərilsə də onun həyatını xilas etmək mümkün olmayıb.
Həmçinin, əməliyyat zamanı 3 terrorçu zərərsizləşdirilib ki, onlardan biri təslim olub.
Hazırda mağarada sıxışdırılan terrorçulara qarşı əməliyyat davam edir.
