İsrail ordusunun döyüş təyyarələri Livanın şərqindəki Hermel bölgəsi ətrafında 7 hava zərbəsi həyata keçirib.
Manset.az xarici mediaya istinadən xəbər verir ki, Baalbek şəhərinin Lebve ətrafı da hədəf alınıb.
Livanın rəsmi xəbər agentliyi NNA-nın verdiyi məlumatda, İsrailin hava hücumlarının məqsədinin Hizbullahın mövqeləri olduğunu bildirilib. İsrail ordusunun sözçüsü Aviçay Adraee, Amerikanın X sosial şəbəkəsindəki hesabında açıqlama verərək, hücumların Beka vadisində Hizbullahın Rıdvan Qüvvələrinin düşərgələrinə və silah anbarlarına qarşı həyata keçirildiyini bildirib.
Adraee, bu düşərgələrin İsrailə qarşı hücumları planlaşdırmaq və hazırlamaq üçün istifadə edildiyini vurğulayıb. Eyni zamanda, o, hücumların davam edəcəyi ilə bağlı xəbərdarlıq edib.
