ABŞ-nin Florida ştatında qəzaya uğrayan “Learjet” təyyarəsində həyatını itirən 9 nəfərin kimliyi müəyyənləşib.
Manset.az xarici mediaya istinadən xəbər verir ki, həlak olanlar arasında 44 yaşlı amerikalı texnologiya investoru Adam Robinson, həyat yoldaşı Helen Sharp, onların 4 yaşlı qızları Emma və 2 yaşlı oğulları Çarli də var. Uşaqların dayəsi Anita Maria Cetina da təyyarə qəzasında həyatını itirib. Digər iki sərnişinin isə Rachael Reed və Charmi Fehr olduğu bildirilir.
Bundan başqa, təyyarənin pilotunun 55 yaşlı Ceff Qreqori, ikinci pilotunun isə 20 yaşlı Nataliya Qadelha olduğu təsdiqlənib.
Bazar günü Texasdan Baham adalarına uçan özəl təyyarə buzlanma, hava burulğanları və qəfil hündürlük itirməsi nəticəsində Palm-Biç dairəsindəki Qrinakres şəhəri yaxınlığında yaşayış ərazisinə düşüb.
Təyyarənin düşdüyü ərazidə nəhəng çuxur əmələ gəlib.
