Universitet şəhərciyində qəza - Çox sayda tələbə yaralandı

Kırıkkale Universitetinin kampusunda mikroavtobusun idarəetmədən çıxaraq ağaca çırpılması nəticəsində 13 tələbə yaralanıb.

Manset.az Türkiyə mediasına istinadən xəbər verir ki, qəza, Kırıkkale Universiteti şəhərciyində yerləşən Baytarlıq Fakültəsi qarşısında meydana gəldi.

Məlumata görə, MB-nin idarə etdiyi 71 K 0027 dövlət nömrə nişanlı mikroavtobus idarəetməni itirərək yol kənarındakı ağaca çırpılıb. Faktla bağlı 112 Təcili Yardım Mərkəzinə məlumat verilib, hadisə yerinə təcili tibbi yardım və polis əməkdaşları göndərilib. Qəzada yaralanan 13 tələbə təcili yardım maşını ilə Tibb Fakültəsi Xəstəxanasına və Yüksək İxtisas Xəstəxanasına aparılıb. Şagirdlərin ümumi vəziyyətlərinin yaxşı olduğu bildirilir.