Antalyada 28 şagirdə cinsi istismar etdiyi iddiası ilə məhkəmə qarşısına çıxan müəllim Mahmut Aydın Köksarın, Ali Məhkəmənin qərarından sonra yenidən baxılan işində hökm oxunub.
Manset.az xarici mediaya istinadən xəbər verir ki, Məhkəmə, Köksarın 19 uşağa qarşı "Çətinləşdirilmiş cinsi istismar" cinayəti törətdiyini bəyan edərək, təqsirkarı heç bir endirim tətbiq etmədən 500 il həbs cəzasına məhkum edib.
Antalyanın Kepez rayonu, bir ibtidai məktəbində 8 il əvvəl şagirdlərə cinsi istismar etdiyi iddiası ilə həbs edilən müəllim Mahmut Aydın Köksar, Antalya 6-cı Ağır Cinayətlər Məhkəməsində məhkəməyə cəlb edilib. O, 27 uşağa qarşı "Çətinləşdirilmiş cinsi istismar" cinayəti törətməkdə ittiham edilərək, heç bir endirim olunmadan ümumilikdə 621 il həbs cəzasına məhkum edilib.
