ABŞ-da süni intellektin istifadəsi ilə bağlı yeni bir dövrün başlamaq üzrə olduğu bildirilib. ABŞ Prezidenti Donald Trump diqqət çəkən bir fərman imzalayaraq, süni intellekt sahəsində inqilabi bir təşəbbüsə start verdiyini açıqlayıb.
Manset.az xarici mediaya istinadən xəbər verir ki, Prezident Trump tərəfindən imzalanan fərmanla, "Genesis Mission" adlı federal təşəbbüs fəaliyyətə keçirildi. Bu təşəbbüs, yeni nəsil texnologiyaların inkişaf etdirilməsi məqsədilə süni intellekt platformasının yaradılmasını hədəfləyir.
Ağ Ev tərəfindən verilən məlumata görə, Genesis Mission çərçivəsində ABŞ Enerji Nazirliyinə, milli laboratoriyaların imkanlarından istifadə edərək güclü kompüterlər, elmi məlumat resursları və insan resurslarını birgə tədqiqat ekosistemində birləşdirmək tapşırığı verilib. Nazirlikdən, həmçinin bağlanmış bir süni intellekt təcrübə platformasının qurulması gözlənilir.
Bu təşəbbüsün əsas fokus nöqtələri arasında biotexnologiya, nüvə füzyonu və kosmos araşdırmaları kimi sahələr yer alır.
Süni intellekt təşəbbüsünün, növbəti 10 il ərzində federal araşdırmaların effektivliyini artırması gözlənilir. Həmçinin, süni intellektin elmi alət kimi istifadə edilməsinin araşdırma proseslərində inqilabi dəyişikliklər yaradacağı iddia edilir.
