İran İsrailin BƏƏ-yə gizli səfərinə sərt reaksiya verib.
Manset.az xarici mediaya istinadən xəbər verir ki, İran Xarici İşlər naziri Abbas Əraqçi İsrail Baş naziri Binyamin Netanyahu ölkəsinə qarşı hücumlar davam edərkən gizli şəkildə Birləşmiş Ərəb Əmirliklərini (BƏƏ) ziyarət etməsinə sərt etiraz edib. O bildirib: “Böyük İran xalqına düşmənlik etmək ağılsız bir qumardır. Bunu edərkən İsrail ilə gizli əməkdaşlıq etmək isə bağışlanmazdır. İsrail ilə əməkdaşlıq edərək parçalanma toxumları səpməyə çalışanlar cavab verəcək”.
Əraqçi sosial media hesabında yazdığı mesajda İranın təhlükəsizlik qurumlarının bu inkişaf barədə əvvəlcədən ölkə rəhbərliyini məlumatlandırdığını vurğulayıb.
BƏƏ-ni ad çəkmədən tənqid edən Əraqçi əlavə edib: “İsrail ilə əməkdaşlıq edərək parçalanma toxumları səpməyə çalışanlar cavab verəcək”.
