Rusiya "RS-28 Sarmat" qitələrarası ballistik raketini uğurla sınaqdan keçirib.
Manset.az xarici mediaya istinadən xəbər verir ki, Rusiya "RS-28 Sarmat" qitələrarası ballistik raketinin uğurla sınaqdan keçirildiyini və sistemin 2026-cı ilin sonuna qədər əməliyyat rejimində istifadəyə veriləcəyini açıqlayıb. Qərb mətbuatında “Satan II” kimi tanınan raket, Yeni START müqaviləsinin bitməsindən sonra nüvə silahlarının tənzimlənməsinin olmadığı yeni dövrdə diqqət çəkən addımlardan biri kimi qiymətləndirilir.
Moskvanın açıqlamasına görə, raket 12 may 2026-cı il tarixində Moskva vaxtı ilə saat 11:15-də Arxangelsk vilayətindəki Plesetsk bazasından buraxılıb. Təxminən 30 dəqiqə sonra raket Kamçatka yarımadasındakı Kura sınaq sahəsində müəyyən edilmiş hədəfi dəqiq vurub.
Rusiya Strateji Raket Qüvvələrinin komandiri Sergey Karakayev sınağın nəticələrini Prezident Vladimir Putinə çatdırıb. Putin isə buraxılışı videokonfrans vasitəsilə izləyib və testi “böyük hadisə” və “tam uğur” kimi qiymətləndirib.
