Serbiyanın Baş naziri Curo Matsut isti hava və su elektrik stansiyalarında istehsalın azalması fonunda vətəndaşları yaxın günlərdə elektrik enerjisini qənaətlə xərcləməyə çağırıb.
Manset.az bu barədə Serbiya hökumətinin mətbuat xidmətinin məlumatına istinadən xəbər verir.
Matsutun sözlərinə görə, Dunayda suyun səviyyəsinin son dərəcə aşağı olması və elektrik enerjisi istehlakının artmasına səbəb olan ekstremal istilər səbəbindən enerji sektorunda vəziyyət ciddi olaraq qalır. O qeyd edib ki, qənaətcil istehlak ölkənin enerji sisteminin sabitliyini qorumağa kömək edəcək.
Baş nazir həmçinin bildirib ki, avqustun 3-də Fövqəladə Hallar üzrə Milli Qərargahın təcili iclası keçiriləcək.
Xatırladaq ki, daha əvvəl Dunay çayı üzərindəki "Cerdap-1" və "Cerdap-2" su elektrik stansiyalarının su axınının az olması səbəbindən müvafiq olaraq öz gücünün yalnız 20 %-i və 30 %-i ilə işlədiyi bildirilmişdi.
