Rusiyadan Kiyev və Xarkova növbəti hücum - 8 nəfər həlak oldu

Rusiya Silahlı Qüvvələrinin Ukraynanın paytaxtı Kiyevə balistik raketlər və pilotsuz uçuş aparatları (PUA) ilə həyata keçirdiyi hücum nəticəsində 2 nəfər həyatını itirib, 8 nəfər isə xəsarət alıb.

Manset.az xarici mediaya istinadən xəbər verir ki, Xarkov şəhərində yerləşən tərəvəz anbarına endirilən PUA zərbəsi zamanı isə 6 nəfər həlak olub.

Rusiya gecə saatlarında Ukraynanın müxtəlif bölgələrini intensiv atəşə tutub. Polisin verdiyi məlumata görə, paytaxt Kiyev boyunca çoxlu sayda güclü partlayış səsləri eşidilib. Hücumlar nəticəsində doğum evi istisna olmaqla, üç rayonda doqquz yaşayış evi, poçt şöbəsi, anbarlar və onlarca nəqliyyat vasitəsi ciddi zərər görüb.