Əməkdar artist bəstəkar-müğənni Elza Seyidcahan İTV-də yayımlanan "Sabahın xeyir Azərbaycan" proqramının qonağı olub.
Manset.az Milli.az-a istinadən xəbər verir ki, sənətçi açıqlamaları ilə yenə diqqət çəkməyi bacarıb. Müğənni bəzi xanımları tənqid atəşinə tutub.
Seyidcahanın yanaşması özünəməxsus olub:
"Xanım tanıyıram, oğlunu evləndirəndə aparmağa bir üzük tapmır. Eləsi var, evində süfrəsi, lazımlı əşyaları yoxdur. Bir rəfiqəm var, yası düşmüşdü. Evinə gələn qonaqlara çay vermək üçün 6 stəkan tapmadı. Süfrəyə qoyduqları hərəsi bir rəngdə idi. Ancaq geyimləri, çantaları, ayaqqabıları hamısı brenddir.
Mən, yaxşı mənada arvadam, hər bir tədarükümü öncədən görürəm. Bəziləri arvad ola bilməyib. Sənin evdə 200-300 manatın yoxdursa, sən nə xanımsan?
Qadının qızılı olmalıdır. Qızıl xanımın qoruyucusudur, pis gözü uzaqlaşdırır. Qara gündə köməyinə çatır. Keçmişdə qalmamışam, ancaq böyüklərimizdən qalan adət-ənənəni davam etdirirəm. Eyni əsrin insanlaryıq. İndiki gəncləri isə manqurtlaşdırıblar".
