“Azərişıq” “General Group Co.” ilə birgə layihə həyata keçirdi - FOTOLAR

10:08 - 23 May 2024

“Azərişıq” “General Group Co.” ilə birgə layihə həyata keçirdi - FOTOLAR

“Azərişıq” ASC-nin Tədris və İnnovasiyalar Mərkəzində “General Group Co.” MMC-nin beynəlxalq təcrübəyə malik təlimçisi tərəfindən əməkdaşlara ISO standartları (ISO 9001, ISO 14001, ISO 10002) çərçivəsində “Risklərin İdarə Edilməsi” ilə bağlı təlimlər keçirilib. 

 

Manset.az xəbər verir ki, ISO sertifikatı idarəetmə sisteminin, istehsal prosesinin, xidmətin və ya sənədləşdirmə prosedurunun bütün standartlaşdırma və keyfiyyət təminatı tələblərinə cavab verdiyini təsdiq edir.

ISO məhsulların, xidmətlərin və sistemlərin keyfiyyətini, təhlükəsizliyini və effektivliyini təmin etmək üçün standartlar işləyib hazırlayan müstəqil beynəlxalq təşkilatdır.

ISO 9001 - Keyfiyyət İdarəetmə Sistemi: Məhsul və xidmətlərin keyfiyyətini daim nəzarətdə saxlamaq və təkmilləşdirmək məqsədilə tətbiq olunur.

ISO 14001 - Ətraf Mühitin İdarə Edilməsi Sistemi: Ətraf mühitə göstərilmiş təsirləri minimuma endirmək və davamlı inkişaf üçün tətbiq olunur.

ISO 10002 - Müştəri Məmnuniyyəti İdarəetmə Sistemi: Müştəri şikayətlərini effektiv şəkildə idarə etmək və məmnuniyyət səviyyəsini artırmaq üçün tətbiq olunur.



Xəbər xətti

19 İyul 2024

Ən son xəbərləri səhifəmizdən də izləyin