Bu ölkədə əhali turistlərə qarşı aksiya keçirdi - “Qayıdın evinizə”

14:24 - 4 İyun 2024

Bu ölkədə əhali turistlərə qarşı aksiya keçirdi - “Qayıdın evinizə”

İspaniyanın Balear adalarının Aralıq dənizindəki ən böyük adası olan Mayorkada yerli əhali turistlərə qarşı etiraz aksiyası təşkil edib.

 

Manset.az-ın xarici mediaya istinadən məlumatına görə, yerli sakinlər çimərlikləri zəbt edib və küçələrdə turist əleyhinə şüarlar səsləndiriblər.

Şəhər əhalisi adanın paytaxtı Palma de Mallorcada “Mallorca Platja Tour” (Mallorca Beach Tour) adlı kampaniya qrupu vasitəsilə toplaşıblar.  

Etiraz qrupu kütləvi turizmin yerli əhali üçün kirayə qiymətlərinin artırmasından qəzəblənib.

Bu vəziyyətin dövlət xidmətlərinə təzyiq göstərdiyini və administrasiyanın insanların ehtiyaclarına cavab vermədiyini bildiriblər.  

Onlar həmçinin dənizin çirklənməsi və tıxacda nəzarətsiz kütləvi turizmi günahlandırıblar.

Küçələrdə “Mənim səfalətim, sənin cənnətin”, “Turistlər, eviniz gedin” kimi şüarlar yazılıb.

Əfsanə Rəcəb

Manşet.az


Xəbər xətti

23 İyun 2024

Ən son xəbərləri səhifəmizdən də izləyin