Ailə, Qadın və Uşaq problemləri üzrə Dövlət Komitəsinin təşkilatçılığı ilə “Uşaqların zərərli informasiyalardan qorunması” mövzusunda ikigünlük təlim proqramı bu gündən start götürüb.
Manset.az xəbər verir ki, 6-9 oktyabr tarixlərini əhatə edən təlim proqramı iki hissədən ibarət olacaq.
6-7 oktyabr tarixində baş tutacaq təlim günlərində ölkənin müxtəlif qurumlarının, nazirliklərin, icra hakimiyyətlərinin müvafiq sahə üzrə fəaliyyət göstərən əməkdaşları, eləcə də mətbuat nümayəndələri iştirak edir.
8-9 oktyabr tarixlərində isə “Uşaqların zərərli informasiyadan qorunması” mövzusunda müxtəlif qruplarla - ailələr və şagirdlərlə görüşlərin keçiriləcəyi bildirilib.
Qeyd edək ki, proqramın təlimçisi BMT-nin Uşaq Hüquqları Komitəsinin sədri, İnsan Hüquqları Komitəsinin sabiq sədri, Gürcüstan Parlamentinin üzvü, professor Sofia Kiladzedir.
Fidan Vəlisoy
